香港新浪網 MySinaBlog
« 上一篇 | 下一篇 »
悅悅 | 20th Jun 2009 | 瑣瑣碎碎, 家家事事 | (206 Reads)

近來真不知是忙甚麼,時間就這樣飛快地過去了,很多事做都未做,也有幾次想發文,又都發不成,又忙到連大悅生日、自己結婚週年都冇發文emotion。前天容子大人提醒了一下,原來已有一個月未出新文了,今天趁有點時間就來個坦白交待。emotion

簡單一點來說,就是公私兩忙,公司忙甚麼?就是部門加多人手,相對來講我的工作量也增加,有玩 Plurk 的朋友應該都知道,因為不想在此太公開講公司事,所以有興趣的朋友不妨都去 Plurk 那邊開個帳號,不過記得先在此或 cbox 留言通知我啊,等我送個電郵給你們再去開帳號,益下我做介紹人(介紹 10 位我可以有多點公仔圖示玩,沒甚麼其他錢銀利益了emotion)。

私事呢,玩 Plurk 是原因之一,其他還有:

其二,年初換了賓賓。有僱傭賓賓的應該都知道換新賓賓是多麼的煩!頭幾個月真是非常麻煩的,她們的通病一般有:1. 不乾淨;2. 自作聰明,不懂又不問,想當然這樣、那樣;3. 撒謊;4. 沒記性,這一點是不分年齡大小,20多歲至40多歲都一樣;5. 破壞力極大,不到三個月時間已打爛一個茶色玻璃煲及刮花電飯煲內層。

其三,近來迷上看君比的書藉。今年是有小孩之後看最多書的一年,看了《叛逆歲月》1-12集、《叛逆青春》1-4集,正在看《奮進少年1--愛裏共飛翔》。不看不知道,原來君比的書藉多年來都被選為十大推介書藉,亦多次獲得青年文學獎。emotion

其四,是小悅的學業。真是令我非常頭痛的一件事,說她笨又不是,除了學習方面,其他方面她都很聰明,腦筋轉得很快,反應比大悅還迅速。但一講到學習、做功課,特別是抄書類,讀一、二年級時簡直是要她的命,最主要是專注力太差,做功課時都經常發夢,所以在她做功課時,我被迫要「陪做」,浪費我太多時間,也因此,我就一邊「陪做功課」一邊看書。未知要等到何時她才會開竅!emotion

大概報告一下情況,請各blog友見諒,近排都少有時間去逛blog,希望小孩放暑假,我也能放「暑假」,有多點時間遊 Blog。emotion


[10]

咁又真係幾忙啊 !
好在plurk 可以傾下啊 !


[引用] | 作者 wingwing | 24th Jun 2009 | [舉報垃圾留言]

係啊,係Plurk度有得傾下計,又更加懶寫Blog~emotion

[引用版主回覆] | 作者 悅悅 | 27th Jun 2009

[9]

又幾「充實」噃!
學校提早放暑假,大小悅一定好開心啦!


[引用] | 作者 文風 | 23rd Jun 2009 | [舉報垃圾留言]

小悅梗係開心啦,仲考少一科添~emotion
大悅仲未放暑假~emotion

[引用版主回覆] | 作者 悅悅 | 27th Jun 2009

[8]

最近,我連續十九天到教會聚會。每天,我的生活如下︰

1. 我會在BLOG寫下四篇文章。
2. 我會到銀行存外幣存款。
3. 派傳單。
4. 閱讀富爸爸。
5. 教會生活。

麥嘜
[引用] | 作者 麥嘜 | 23rd Jun 2009 | [舉報垃圾留言]

每天寫四篇文意~emotion
每天都到銀行存外幣~emotion

[引用版主回覆] | 作者 悅悅 | 27th Jun 2009

[7] Re: 悅悅
悅悅 : p.s. 我爸爸一早已不在了
啊,對不起.

慧瑩
[引用] | 作者 慧瑩 | 23rd Jun 2009 | [舉報垃圾留言]

唔緊要,已是多年前之事了!

[引用版主回覆] | 作者 悅悅 | 27th Jun 2009

[6] Re: 悅悅
悅悅 : Pinky嫲嫲 : 你真係好忙喎!你個亞賓是不是在香港未做過工 gar ?未做過就教到嘔血 lar!你話個 D 毛病 我十分了解呢!係啊,真係嘔心瀝血啊!唉,依家請賓賓都好似買六合彩咁,熟手的又有熟手的問題,成日唔聽教。,家下佢地仲興多一樣,就係搞去加拿大,我上一個做咗一年都好d,我朋友個個做咗半年,又話去加拿大了,仲幫我朋友安排佢親戚來接班~ 

總知 D 亞賓無個好,
新來的做做下也變質,
記然新舊都係咁,
我都係請做過果 D
起碼唔洗教到嘔血丫!

Pinky嫲嫲
[引用] | 作者 Pinky嫲嫲 | 22nd Jun 2009 | [舉報垃圾留言]

係啊,真係「各有千秋」,越來越難揀了~emotion

[引用版主回覆] | 作者 悅悅 | 27th Jun 2009

[5] Re: Pinky嫲嫲
Pinky嫲嫲 : 你真係好忙喎!你個亞賓是不是在香港未做過工 gar ?未做過就教到嘔血 lar!你話個 D 毛病 我十分了解呢!

係啊,真係嘔心瀝血啊!
唉,依家請賓賓都好似買六合彩咁,熟手的又有熟手的問題,成日唔聽教。,家下佢地仲興多一樣,就係搞去加拿大,我上一個做咗一年都好d,我朋友個個做咗半年,又話去加拿大了,仲幫我朋友安排佢親戚來接班~emotion


 

悅悅
[引用] | 作者 悅悅 | 22nd Jun 2009 | [舉報垃圾留言]

[4]

忙還忙,好好保重身體,要多休息.

另祝悅悅老公及爸爸父親節快樂.

慧瑩
[引用] | 作者 慧瑩 | 21st Jun 2009 | [舉報垃圾留言]

多謝慧瑩關心!

代悅爸謝謝慧瑩的祝賀!
(p.s. 我爸爸一早已不在了)

[引用版主回覆] | 作者 悅悅 | 22nd Jun 2009

[3]

悅悅,家裡有小孩子,賓賓要看緊一點啊!近來的新聞都好恐怖!

夜貓子
[引用] | 作者 夜貓子 | 21st Jun 2009 | [舉報垃圾留言]

係啊,以前孩子的BB時代,我沒放手俾賓賓,我上班媽媽會睇住,基本上來講,係沒俾賓賓湊BB,到大個咗,佢地識講先俾賓賓跟少少。

[引用版主回覆] | 作者 悅悅 | 22nd Jun 2009

[2]

我朋友同你最近狀況類同,工作上有變動,新工人到步,小囡和我們的小囡一樣...而她有時間可以做的就是不停地看書...


[引用] | 作者 容子 | 20th Jun 2009 | [舉報垃圾留言]

真係好似噃~emotion

[引用版主回覆] | 作者 悅悅 | 22nd Jun 2009

[1]

你真係好忙喎!
你個亞賓是不是在香港未做過工 gar ?
未做過就教到嘔血 lar!
你話個 D 毛病 我十分了解呢!

Pinky嫲嫲
[引用] | 作者 Pinky嫲嫲 | 20th Jun 2009 | [舉報垃圾留言]